Hejmara 11an ya eKovara The Hall Kurdî derket.
Kovara digital a kurdî ku li Londonê mehane tê belavkirin vê mehê di bergê xwe de cî da ye Haloween ango Cejna Pîrebokan. Wekî tê zanîn li welatên rojava 31ê meha 10an Haloween e. Wêneya bergê ji aliyê nîgarxêz û artîsta hûnera dîjîtal Soniya Ahmed ve hatiye çêkirin. Di wêneyê de hûnermend Soniya Ahmed bi Pîrebok, kundir û malên Hawramanê kompozîsyoneke xweş li hev aniye.
Herwiha meselaya pîrebokan, cejna haloween û mînakên mîna wê cejnê di çanda kurdî de jî nivîskar Necat zivingî nivîsiye.
Di hejmara meha Mijdarê de siyaseta li Îngilîstanê, guherîna serokwezîran û rewşa kurdan di siyaseta vî welatê de jî bi gotarekê hatiye vegotin.
Siyasetzan û lêkolîner Serbest Ferhan Sindî di vê hejmarê de protestoyên li Rojhilatê Kurdistanê û bajarên Îranê û pêşeroja wan nivîsandiye.
Blogger Salomé Cizrawî, Zimanzan Abdullah Încekan, Nivîskar Zeynelabidîn Zinar, Rewşenbîr Konê reş, Antropolog Welat Ramînazad bi nivîsên xwe di vê hejmarê de cî girtine.
Ji aliyê din ve di kovara vê mehê de Digikurd ku li ser mijarên zanîst û teknolojiyê dinivîsand, piştî navberekê bi nivîsekê zanîstî vegeriya ye.
Di hejmara dawî de tiştekî nû jî hatiye çêkirin. Beşa fotoşirove hatiye kovarê. Wênekêş Mem Artemêt bi wêneyên xwe tevlî malbata the Hall Kurdî bûye.
Hûn dikarin hemû nivîsên kovarê û PDFya kovarê ji malpera www.thehallkurdi.com peyda bikin, daxînin û bixwînin.
